Руските сили побараа поддршка од Турција за безбедно излегување од Сирија по ненадејната офанзива на исламистите што резултираше со промена на режимот, објави Си-Ен-Ен Турк.
Според турскиот огранок на Си-Ен-Ен, Русија планира да ги повлече копнените сили, но барањето не се однесува на нејзините поморски и воздушни бази во Тартус и Хмејмим.
Руските војници треба да бидат преместени во делови од Сирија кои се под контрола на Турција, а потоа по воздушен пат да бидат евакуирани во Русија.
Руските сили ги користеа базите во 2015 година за да му помогнат на својот сојузник, сега соборениот претседател Башар ал Асад, да ги уништи сириската опозиција и терористите на Исламската држава.