Владeачката Социјалдемократска партија (СПО) е во благо водство на парламентарните избори во Австрија, покажуваат првичните прелиминарни и непотполни резултати од изборите што денеска се одржаа во оваа земја, јави агенцијата Анадолија.
Според до сега преброените само шест отсто од гласовите, владеачката СПО освоила 27 отсто од гласовите, Народната партија (ОВП) 23 отсто, Слободарската партија (ФПО) 22 отсто и партијата на Зелените 12,5 отсто од гласовите.
На денешните избори право на глас имаа 6,4 милиони жители на Австрија, кои ќе изберат 183 пратеници во федералниот парламент на земјата.
Првите официјални и нецелосни резултати од изборите ќе се објават за два часа на телевизијата ОРФ.
Влада на големата коалиција меѓу австриската левица и десница е на добар пат да добие апсолутно мнозинство во парламентот, и покрај значајниот подем на крајната десница, покажува првичната проценка на социолошкиот институт АРГЕ, цитирана од светските агенции.