Пратеничките групи на левите и крајно десничарските партии во францускиот парламент поднесоа предлог за гласање недоверба на владата.
Ова се случи откако премиерот Мишел Барние одлучи да го искористи членот 49.3 од францускиот Устав за да го спроведе усвојувањето на буџетските мерки без гласање.
Барањето за смена на владата ќе се гласа во среда, а доколку биде усвоено, Барние ќе биде принуден да поднесе оставка по само два и пол месеци на чело на владата, објави Гардијан.
Барањето за гласање доверба на владата го поднесе Новиот народен фронт (НФП), левичарска коалиција во која се социјалистите, Зелените, крајната левица и Комунистичката партија.
Марин Ле Пен, пратеничка и лидер на екстремно десничарското Национално собрание (РН), денеска го зголеми притисокот врз владата со најава дека и нејзината партија поднесува барање за недоверба.