Претседателот на Абхазија, Аслан Бжанија денеска изјави дека останува на позицијата избран претседател на Република Абхазија и потврди дека власта и опозицијата не можат да најдат компромис за ниту едно прашање.
„Постои закон и од гледна точка на законот јас сум избран претседател. Мојот став не е променет, дадов изјава и денеска го повторив. Ова е став на претседателот, владата, властите на Република Абхазија, што нема да биде сменето“, рече Бжанија, пренесува ТАСС.
Парламентот на Абхазија на 15 ноември требаше да го разгледа прашањето за ратификација на договорот со Русија за реализација на инвестициски проекти, но седницата беше откажана бидејќи пратениците не можеа да се согласат за усвојување на дневниот ред.