Премиерот на Република Србија, Милош Вучевиќ денеска изјави дека до крајот на неделата се очекуваат вести за нови оставки поради несреќата во Нови Сад и го повика надлежното обвинителство да соопшти до каде е истрагата.
„Мислам дека до крајот на неделата би можеле да имаме нови вести за тоа прашање. Не станува збор за трка со времето, за некое исполнување на нормата. Се разбира, кога зборуваме за тоа, зборуваме за кратки временски рамки. Овие одлуки се носат со ладна глава и не можат да се носат со емоции кои секако се присутни“, изјави Вучевиќ.
Според неговите зборови, тие одлуки не значат дека нешто технички е „сторено“, туку се одлучува за прашањето за објективна политичка одговорност.