Анџелина Џоли неодамна се појави на филмскиот фестивал во Венеција, а корисниците на социјалните мрежи коментираат за една работа – нејзините раце.
Таа за оваа пригода избра беж фустан со моден додаток со крзно, а нејзините раце со изразени вени дојдоа до израз.
„Што и се случи со рацете?“, „Загрижена сум за нејзиното здравје“, „Мислам дека е време да одi на лекар“, „Анџелина е убава, но нејзините раце навистина изгледаат страшно“, се дел од коментарите.
Некои од нејзините обожаватели сметаат дека ваквите коментари се непримерни и изјавиле дека тоа е едноставно знак на стареење, што е сосема нормално. Таа е мета на критики и од оние кои мислат дека е преслаба. Извор изјави за магазинот „Ин тач“ во јуни оваа година:
“Енџи е свесна дека е премногу слаба. Таа знае дека ако носи фустан кој е премногу откривачки, сите ќе зборуваат за неа. Таа практично ги провоцира луѓето да коментираат за нејзината тежина”.
Како што е познато, Анџелина го промовираше филмот „Марија“ во режија на Пабло Ларен на 81. издание на Венецискиот филмски фестивал. Таа се расплака откако публиката ѝ даде громогласен аплауз за нејзиното портретирање на легендарната Марија Калас.