Словачка испрати нова пратка хуманитарна помош во Појасот Газа, чија вкупна вредност надминува 27.000 евра, изјави портпаролот на словачкото МВР, Матеј Најман и прецизираше дека примател е Меѓународната организација за миграција во Газа.
„Хуманитарната помош главно се состои од основни хигиенски средства: санитарни пакети, влошки, тоалетна хартија, контејнери за вода за пиење и ќебиња“, објасни портпаролот, пренесе агенцијата ТАСР.
Според Најман, пратката се состои од помош од резервите на МВР и донација од компанијата ШП Харманец, непрофитната организација Man in Peril и граѓанското здружение АДРА – Адвентистичка агенција за развој и хуманитарна помош.