Вкупниот награден фонд на УС Опен во Њујорк се зголеми на рекордни 75 милиони долари, соопштија организаторите на последниот тениски Грен слем турнир во сезоната.
Наградниот фонд е зголемен за 15 отсто во однос на минатогодишниот турнир.
Шампионите во поединечна конкуренција ќе заработат по 3,6 милиони долари или 20 отсто повеќе од лани. Поразените во финалето во сингл ќе добијат по 1,8 милиони долари.