Романскиот уставен суд ја потврди уставноста на законот за кучињата без сопственик, што наспроти протестите на активистите за заштита на животните, им овозможува на властите да ги „успијат“ уличните кучиња за кои по 14 дена нема да се јави сопственикот.
Законот е донесен како одговор на јавноста по смртоносниот напад на група улични кучиња врз четиригодишно дете во Букурешт.
Иако 30 пратеници поднесоа жалба на новиот закон, сметајќи дека е многу „помалку трауматично“ да се врши стерилизација на кучињата без сопственик отколку да се убиваат, Уставниот суд одлучи дека законот е во согласност со највисоките законски акти.
Властите оценуваат дека во главниот град на Романија има меѓу 40 и 60 илјади напуштени кучиња.