Францускиот премиер Габриел Атал денеска имаше намера да поднесе оставка до претседателот Емануел Макрон, но на барање на Макрон тој ќе остане премиер за „стабилноста на земјата“.
Ова го соопшти Атал вчера вечерта по објавувањето на резултатите од предвремените парламентарни избори, на кои центристичката алијанса на Емануел Макрон, во која е и партијата на Атал, Ренесанса, не успеа да го задржи мнозинството во Националното собрание.
Атал најави дека доколку Макрон не ја прифати неговата оставка, ќе продолжи да ја извршува функцијата технички премиер додека не се утврди неговиот наследник во договор со новото парламентарно мнозинство.
Атал стана премиер во јануари оваа година по реконструкцијата на кабинетот и разрешувањето на Макрон на Елизабет Борн од премиерската функција.