Франција спречи два одделни заговори за терористички напад за време на Олимписките игри, соопшти денеска министерот за внатрешни работи Жералд Дарманен.
Тој рече дека полицијата извршила „неколку апсења“ во две одвоени операции.
„Во изминатите неколку дена тоа не беше објавено поради изборната кампања, но уапсивме луѓе за кои се сомневаме дека планирале терористички напади“, рече Дарманен во интервју за францускиот информативен канал BFM TV.