Десетици илјади селани ги напуштија своите домови поради страв од насилства во кои во изминатите неколку дена загинаа најмалјку 18 лица на североистокот на индиската држава Асам.
Шефот на асамската полиција Ј.Н. Чудури изјави дека десет лица се водат како изчезнати од избивањето на судирите околу земјиштето во дистриктот Кокраџхар меѓу припадниците на заедницата Бодо и муслиманските доселеници.
Насилството се прошири на уште два соседни дистрикта, а полицијата ги пронајде телата на убиените со мачети, оставени во џунглата, на патиштата или по брегот на реката.
Властите испратија воени сили да го запрат насилството и отворија неколку прифатни центри за околу 30.000 лица, главно жени и деца кои ги напуштија селата.