Голманот на Грузија, Ѓорѓи Мамардашвили го одигра најдобриот натпревар за поединец на ЕП 2024 година во натпреварот против Чешка.
Според „Софаскор“ тој е најдобро оценет играч на ЕУРО, а пред него најдобри беа Џошуа Кимич и Фабијан Руиз со 8,9.
Мамардашвили забележа 11 одбрани, осум во првото полувреме. Фати пет високи топки, три пати ја елиминираше опасноста.
Доби и два дуела, а особено импресивно беше што одбрани шест удари кои беа упатени од шеснаесетникот. Поради сето ова тој заработи оценка 9,7.
Мамардашвили моментално игра за Валенсија, а според Трансфермаркт неговата вредност е 35 милиони долари. Тој има договор со неа до летото 2027 година.
По добрите настапи на ЕУРО, неговата цена веројатно ќе се зголеми.