Фудбалската репрезентација на Швајцарија ја совлада селекцијата на Унгарија со резултат 3:1 во 1.коло од групата А на Европското првенство во Германија и веќе направи важен чекор кон пласман во осминафиналето.
Швајцарците одиграа совршено прво полувреме во кое целосно доминираа и ги надиграа Унгарците, а два гола беа производ на таквата игра.
Во 13. минута Дуах постигна убав гол по одличната асистенција на Ебишер, а потоа расположениот Аебишер со фантастичен удар го матираше Гулачи и ја удвои предноста на Швајцарија во 45. минута за високи 2:0.
Во продолжение Унгарците одиграа многу подобро и беа поопасни, а голот на надежта го добија во 63. минута. Шобошлаи нафрли од левата страна, а Варга ја погоди мрежата на Зомер за 2:1.
До крајот Унгарија имаше повеќе од играта, но не можеше да израмни, а во судиското надополнување Емболо ги постави конечните 3:1.
Во нокаут фазата ќе се пласираат победниците и второпласираните од секоја група, како и четирите најдобри третопласирани селекции.