Полицијата уапси две лица, едниот од Kуманово, 52 годишен, а другиот, штипјанец 57 годишен е уапсен на граничниот премин Табановце. Полицијата ги сомничи дека измамиле жена од Куманово да им даде околу 1600 евра под изговор дека нејзината ќерка направила сообраќајка и тие можат да помогнат да не оди во затвор ако им даде пари.
„ На 02.06.2024 во 20.00 часот, полициски службеници од СВР Куманово го лишиле од слобода И.Ф.(52) од Куманово, додека на 03.06.2024 на Граничен премин Табановце бил задржан С.Ш.(57) од Штип.Тие се сомничат дека на 01.06.2024 измамиле 79 – годишна жена од Куманово за сума од 100.000 денари. Тие ѝ се јавиле на телефон и претставувајќи се како вработени во полиција и ги побарале парите за да помогнат нејзината ќерка да не оди во затвор за наводна сообраќајна несреќа во која учествувала, а во која настрадало дете.“ велат од МВР.
Лицата биле приведени во полициска станица и по целосно документирање на случајот против нив ќе следуваат соодветни пријави.