Уште најмалку 50 лица загинаа по силниот дожд и поплавите во централниот дел на Авганистан, соопштија денеска локалните власти.
Мавлави Абдул Хаи Заем, шеф на одделот за информации во провинцијата Гор во централен Авганистан, за Ројтерс изјави дека нема информации за тоа колку луѓе се повредени.
Тој додаде дека 2.000 куќи се целосно, а 4.000 делумно уништени. Под вода се и повеќе од 2.000 продавници во главниот град на провинцијата Фероз Кох.