Амбасадорите на ЕУ денеска начелно се согласија да додадат четири руски медиуми на списокот со санкции на ЕУ за, како што велат, ширење на пропаганда, потврди еврокомесарката за вредности и транспарентност Вера Јурова на својот X профил.
„На списокот на санкции се додадени четири пропагандни мрежи поврзани со Кремљ: Глас Европа, РИА Новости, Известија и Руска газета“, објави Јурова, додавајќи дека е забрането и руско финансирање на европски медиуми, невладини организации и политички партии, пренесува Ројтерс.
И двете мерки се дел од планираниот 14-ти пакет санкции против Русија за нејзината инвазија на Украина, според официјалниот документ што Ројтерс го виде минатата недела.