Франција ќе достави дополнителна воена помош за Украина во наредните денови и недели, се вели во денешното соопштение од Елисејската палата, откако францускиот претседател Емануел Макрон телефонски разговарал со неговиот украински колега Володимир Зеленски.
„Претседателот Макрон ја повтори решеноста на Франција да ја обезбеди сета неопходна поддршка. Тој исто така можеше да ги наведе деталите за испораките за наредните денови и недели како поддршка на воените напори на Украина“, се вели во соопштението.
Неименуван службеник во Елисејската палата одби да прецизира што би можеле да вклучуваат испораките, пренесува Ројтерс.