Новата претседателка, Гордана Сиљановска Давкова даде свечена заклетва со Собранието и ја презеде должноста.
Сиљановска при давањето на заклетвата не го користеше уставното име „Република Северна Македонија“ туку употребуваше Македонија, што е потврда на нејзините претходни ставови.
-Ќе бидам претседателка и на левата и на десната страна. Ќе бидам претседателка на сите граѓани нема да правам разлика ниту по етничка ниту по верска ниту по полова ниту по било каква разлика, рече новата претседателка Сиљановска Давкова. Време е за единство и за тоа ќе им се обратам на жените. Бидејќи ние покажуваме дека не се грижиме само за себе туку и за сите околу нас, посочи Сиљановска во обраќањето кое беше посветено на улогата на жените во политиката и која треба да биде многу поголема.
Гордана Сиљановска Давкова е првата жена претседател на Македонија.