Едно лице загина во сообраќајна несреќа што се случи денеска околу 14.30 часот на патот Струмица-Валандово, кај селото Костурино, откако камион со струмички регистарски ознаки излетал од патот и се превртел.
Веста за МИА ја потврди портпаролката на СВР Струница Александра Трајанова. Според неа, од првичните информации од увидот кој се уште трае, едно лице загинало, а причините за несреќата дополнително ќе се истражуваат.
Заради несреќата сообраќајот се одвиваше отежнато во двата правца.