Израел предупреди четири европски земји да не ја признаваат Палестина

Од:

Израел денеска оцени дека планот на четири европски земји да работат во насока на признавање на палестинската држава е „награда за тероризмот“ што ќе ги намали изгледите за договорено решение на израелско-палестинскиот конфликт. Шпанија во петокот објави дека се договорила со Малта, Ирска и Словенија да ги преземе првите чекори кон признавање на палестинската државност во окупираниот Западен Брег и Појасот Газа.

Со Појасот Газа долго време владее Хамас, кој не сака мир со Израел и го нападна на 7 октомври, предизвикувајќи разорна војна во Појасот Газа што поттикна насилство на Западниот Брег, каде Израел има големи еврејски населби.

„Признавањето на палестинската држава по масакрот на 7 октомври испраќа порака до Хамас и другите палестински терористички организации дека крвожедните терористички напади против Израелците ќе бидат одговорени со политички гестови кон Палестинците“, објави израелскиот министер за надворешни работи Израел Кац на X.

„Решавањето на конфликтот ќе биде можно само преку директни преговори меѓу двете страни. Секој ангажман за признавање на палестинската држава само го унапредува постигнувањето решение и ја зголемува регионалната нестабилност“, додаде тој.

Тој не кажа какво решение има на ум.

Би можело да ве интересира

ОН: 109 Палестинци убиени, 296 ранети во Газа за три дена

Гутереш: Голема офанзива во Рафах ќе доводе до катастрофа

Израелска војска: Ги разгледуваме предлозите за заложници и продолжуваме со операцијата во Газа

Хамас: Предлог за прекин на огнот во три фази

Хамас го прифати мировниот предлог за прекин на огнот во Газа

Израелско воено радио: ИДФ ја започна евакуацијата на палестинските цивили од Рафах