Израелскиот премиер Бенјамин Нетанјаху денеска оцени дека сојузниците на земјата имаат, како што наведува, кратко сеќавање во врска со нападот на Хамас на 7 октомври и дека Тел Авив ќе ја продолжи офанзивата на Појасот Газа и покрај меѓународниот притисок.
„Им велам на нашите пријатели во меѓународната заедница: дали вашето сеќавање е толку кратко? Толку брзо заборавивте на 7 октомври, најтешкиот масакр извршен врз Евреите од холокаустот? Дали толку брзо го ускратувате правото на Израел да се брани од чудовиштето Хамас?“, рече Нетанјаху на почетокот на владиниот состанок.
Тој повтори дека Израел ќе продолжи со воените операции во Газа, вклучително и во градот Рафах, заедно со евакуацијата на цивилите од борбените зони, пренесува Ројтерс.