Нov napad на украинско беспилотно летало предизвика пожар во рафинеријата Славјанск во јужна Русија, a најмалку едно лице загина, соопштија утринава регионалните власти во Краснодар. Нападите со беспилотни летала врз рафинерии и енергетски капацитети се зголемени оваа недела во Русија, каде денеска е последниот ден од претседателските избори кои треба да доведат до очекуваниот реизбор на Владимир Путин.
This night, #ruZZia was on fire again 🔥🔥🔥
According to eyewitnesses, Slavyansk Oil Refinery of #SlavyanskNaKuban, #Krasnodar Territory heroically sacrificed itself to shoot down 5 to 7 UAVs. pic.twitter.com/z81L4jNdbk
— Aurora Borealis 🤫 (@aborealis940) March 17, 2024
„Пожарот во реонот на нафтената рафинерија во Славјанск е целосно изгаснат. За време на нападот едно лице загина“, соопштија локалните власти во блискиот Краснодар.
Вчера, по напад со дрон, опожарена беше рафинерија во Самара на околу илјада километри од украинската граница. Нафтена рафинерија исто така беше цел на беспилотни летала во средата во Рјазан, на околу 200 километри југоисточно од Москва.
Во вторникот, беспилотни летала гаѓаа рафинерија во регионот Нижни Новгород, на 800 километри од границата со Украина. Во петокот Владимир Путин вети дека украинските напади на руска територија нема да останат „неказнети“.