Два послаби земјотреси се регистрирани синоќа во Загреб. Посилниот од двата земјотреси се случи во 1.58 часот и вознемири дел од граѓаните. Беше со јачина од 2,8 степени.
„Сеизмографите на Сеизмолошката служба на Република Хрватска забележаа два слаби земјотреси кај Маркушевац синоќа, 7 март 2024 година. Првиот се случи во 1:55 часот со јачина од 1,9 степени, а вториот три минути подоцна, во 1:58 часот со со јачина од 2,8 степени според Рихтеровата скала, а проценетиот интензитет во епицентарот на ЕМС II-III степен, односно III-IV степен ЕМС“, соопшти Сеизмолошката служба на Хрватска.
ЕМСЦ соопшти дека епицентарот на земјотресот во 1:58 часот бил на длабочина од 6 километри.
Иако е класифициран како слаб по магнитуда, луѓето известуваат дека земјотресот ги разбудил и дека се слушнал прилично силен звук. Некои велат дека се чувствувал посилно отколку што сугерира неговата големина.
„Имаше татнеж, па креветот многу се тресеше“, се дел од коментарите на загрепчани.
Мал, но подмолен земјотрес, напиша парламентарката Далија Орешковиќ на мрежата Икс.
Луѓето јавуваат дека земјотресот многу се почувствувал и во Загорје.