Делегација на СДСМ предводена од претседателот на партијата Зоран Заев денеска имаше средба со директорот на Директоратот за Западен Балкан во Советот на Европа, Јонас Јонсон и заменик-директорот, Теркел Петерсон.
Како што соопшти СДСМ, Заев и претставниците на Директоратот разговарале за актуелната политичка состојба во земјава, состојбите во регионот, реформите, владеењето на правото и демократизацијата во Македонија.
Посебен акцент на средбата бил ставен на евроинтеграцискиот процес на Македонија, како и процесот на проширување на Европската унија.
Претставниците на Директоратот изразиле благодарност до Заев за неговите лични заложби во отворањето на политичкиот дијалог и донесувањето на Извештајот за настаните од 24 декември.
Јонсон и Петерсон ги поддржале напорите на СДСМ за одржување на стабилноста на македонската политичка сцена преку функционален парламент и политики кои се насочени кон тоа дијалогот да опстои, се додава во соопштението од СДСМ.
