Министсрката за труд и социјална политика Јована Тренчевска која денеска беше во посета на детските градинки „Димче Мирчев“ во Велес на отворање на светлосна сензорна соба, одговорајќи на новинарско прашање во врска со случајот со четиригодишното повредено дете од Струмица, појасни дека ги чекаат извештаите од надлежните институции за да може МТСП да преземе дополнителни чекори.
-Го чекаме извештајот од Јавното обвинителство за да може да видиме од каде доаѓаат повредите, секако и извештаите од институциите од областа на здравството за да може да превземеме дополните чекори. Инаку, како МТСП преку Центарот за социјална работа од Струмица и Центарот за социјална работа во Скопје веднаш се преземаат конкретни чекори за останатите дечиња коишто се братчиња и сестричиња на детенцето кое се наоѓа во болница со неговата мајка. Верувам дека ќе се подобри состојбата и дека детето ќе излезе од болницата и никогаш повеќе нема да се повторат такви дејствија врз едно мало дете, потенцира министерката Тренчевска.