Руските вооружени сили денеска уништија привремена локација на странски платеници во Харков, се наведува во соопштението на Министерството за одбрана.
„Вооружените сили на Русија извршија удар со висока прецизност на точката на привремено распоредување на странски борци во градот Харков, чие јадро го сочинуваа француски платеници“, објави „Риа Новости“.
Резултатот од нападот беше елиминација на повеќе од 60 платеници, додека повеќе од 20 беа пренесени во медицински установи.
Зградата во која се наоѓале е целосно уништена.
Еден ден претходно, градоначалникот на Харков, Игор Терехов, извести за експлозии во градот.
Според Министерството за дигитална трансформација на Украина, во тој момент била издадена тревога за воздушен напад во регионите Харков и Суми.
Руската војска изврши ракетни напади врз енергетската и одбранбената индустрија, воената команда и комуникациските објекти како одговор на гранатирањето цивилни цели на руска територија од страна на украинските вооружени сили.