Без струја денеска од 8 до 16 часот ќе бидат жителите од село Студеничани, а од 8.30 до 15 часот корисниците од улиците „Велешка“, „Анте Хаџи Митков“, „Охридска“, „Преспанска“ и „Раде Јовчевски-Корчагин“ во општина Центар.
Во периодот од 9 до 12 часот без електрична енергија ќе бидат дел од корисниците од улица „Пролетерска“ во општина Карпош. Од 9 до 13 часот без струја ќе бидат корисниците од улицата „Дебарца“.
Селата Градманци, Катланово, Катлановска Бања, Катлановска Брезница и Летевци во општина Петровец без струја ќе бидат од 9:30 до 13:30 часот. Од 9 до 14 часот без струја ќе останат корисниците од улица „Лондонска“, а од 9 до 15 часот корисниците од село Кучевиште. Од 9 до 15 часот без струја ќе бидат и корисниците од улица „Копаница“.
Како што информира РЦУК – Скопје, прекините се заради реализација на инвестициски зафати за подобрување на квалитетот во снабдувањето со електрична енергија на корисниците во овие реони.