Македонскиот шоумен Бојан Јовановски, попознат како Боки 13, неодамна излезе од затворот „Идризово“ во Скопје.
Toj го објави првото селфи по излегувањето од затвор. Боки посети црква во Скопје, а потоа на своите следбеници на социјалните мрежи им се обрати со зборови на благодарност.
– Прво селфи во слобода по четири години затвор. Боже на помош, прво и основно здравје, па после се ќе си дојде на свое место. Им благодарам на сите добронамерни луѓе за поддршката и убавите зборови во периодот кој сега е зад мене. Слобода! – рече Боки.
Инаку, тој неодамна беше хоспитализиран, но очигледно сега е малку подобро, па слободното време го посвети на молитва и посета на цркви.
Бојан Јовановски, попознат како Боки 13, беше уапсен во акцијата „Рекет“, а потоа осуден бидејќи уценувал одредени моќни и влијателни луѓе во Македонија и од нив барал огромни суми пари. Во 2020 година е осуден на девет години затвор во Скопје.