Во Струмица беше промовирана првата стихозбирка на професорката по англиски јазик и книжевност Катерина Панов Кожаров.
Збирката поезија со наслов ‘Од ракописот на една жена’ беше презентирана во рамките на мултимедијален настан на кој промотори беа проф. д-р Венко Андоновски и меѓународно признатиот поет Никола Маџиров.
‘Запомнете го ова поетско име’ е насловот на рецензијата на Венко Андоновски во која истакнува дека Кожаров е и родена за поетеса и образована за поетеса и тоа на одлична поетска лектира.
Трите циклуси беа претставени во три видео презентации кои ги читаше самата авторка во три различни амбиенти, секој со различна аудитивна и визуелна порака.
Средствата собрани од продажбата на книгата беа донирани на фондацијата ‘Елеуса’ со назнака за доградба на храмот во центарот на Струмица ‘Успение на Пресвета Богородица’.