Шефот на воената управа на Авдеевка, која е под контрола на Киев, Виталиј Барабаш изјави дека гарнизонот на украинската војска во Авдеевка е во тешка ситуација.
Според него, руските војници ја продолжиле офанзивата во текот на викендот и се обидуваат да ја преземат контролата врз главната рута за снабдување, пишува Украинска правда.
„Ситуацијата со логистиката е многу тешка. Дваесет и два километри патишта до градот постојано се под оган – и дење и ноќе. Следствено, тоа во голема мера ја отежнува евакуацијата и испораката на хуманитарна помош. Целата логистика се одвива на една патека. Се разбира, непријателот се обидува да го пресече патот“, рече Барабас.
Според Барабаш, кога времето е добро, руските дронови Орлан го надгледуваат патот. „Секое движење е сигнал за нив да отворат оган“, рече функционерот.