Портпаролот на израелските одбранбени сили (ИДФ) денеска за Си-Ен-Ен изјави дека иако се обидуваат да избегнат цивилни жртви, тие се неизбежни во урбаната војна.
„Ќе продолжиме да ги минимизираме цивилните жртви, но ќе има и цивилни жртви“, изјави за Си-Ен-Ен, потполковник Питер Лернер.
Тој додаде дека со изгледите за копнена операција, ИДФ и нејзините 300.000 регрути остануваат фокусирани на поразување на Хамас.
„Иако секој одземен живот е трагедија, вистинска трагедија, нашата улога е да се погрижиме Хамас никогаш да не може да ја задржи власта над владата и да шири терор“, рече Лернер.
Лернер, исто така, рече дека Хамас се препушта на „психолошки тероризам“ со стотици заложници кои сè уште се држат и дека ИДФ ќе стори се за да ги врати безбедно во Израел.