Палестинските медиуми јавија за силно израелско бомбардирање на Газа во текот на ноќта, вклучително и напад на куќа во Џабалија во северниот дел на Газа, во кој загинаа најмалку 19 лица.
Во израелските воздушни напади рано утринава, според палестинските медиуми, загинале најмалку осум Палестинци, а неколку десетици се ранети. Израелската армија се уште не се огласила.
Канцеларијата на ОН за хуманитарни прашања соопшти дека се уништени повеќе од 140.000 домови, една третина од сите домови во Газа, од кои 13.000 се целосно уништени.