Османи – Амон: Засилена соработка со Штаерска за уште поблиски односи со Австрија

Од:

Австрискиот покраински министер за европски и меѓународни прашања, образование и човечки ресурси на Штаерска, Вернер Амон, оствари посета на Северна Македонија, на покана на министерот за надворешни работи Бујар Османи.

“Штаерска, како значаен европски инвеститор, има значително економско присуство во регионот на Западен Балкан. Шпаркасе, Граве и уште неколку други инвестиции од Штаерска говорат за високото ниво на економска соработка, што има за цел да придонесе за побрз економски развој, но и за одржливост на нашата економија, носејќи нѐ чекор поблиску до ЕУ”, истакна Османи, посочувајќи дека со оваа посета се отвораат нови можности за поврзување и соработка во различни секторски области – образование, наука, истражување, економија, климатски политики, екологија, земјоделство, локална самоуправа меѓу нашата држава и австриската покраина Штаерска.

Министерот Османи искажа целосна подготвеност за натамошна динамика во соработката со Штаерска, надоврзувајќи се на силната економска соработка, која е симбол на долгогодишното партнерство со Австрија, воедно заблагодарувајќи се што меѓународната агенда на Штаерска e фокусирана токму на Западниот Балкан.

Министерот Османи и штаерскиот министер потпишаа Заедничка декларација за соработка меѓу Република Северна Македонија и Покраината Штаерска (Република Австрија), како и Писмо за намери за пристапување на Република Северна Македонија кон Алпе-Адриа Алијансата, регионална иницијатива, со чија поддршка ќе може да ги користиме програмите и структурите на ЕУ во интерес на нашиот евроинтегративен процес.

Би можело да ве интересира

Османи и Адеми кај семејството на притворениот Крешник Бекштеши за Рамазан Бајрам

Османи: Нека направи Мицкоски за албанскиот јазик пола од тоа што јас имам направено за македонскиот, Албанците ќе му бидат благодарни

А1он

ВРЕДИ: Кој го спаси Бујар Османи?

А1он

ВЛЕН: Време е ДУИ да направи вистински ветинг почнувајќи од Бујар Османи, најдобриот другар на Артан Груби

Горан Наумовски

Османи: Подготвителната седница е продолжување на процесот на укинување на Законот за јазиците

Катерина Ѓуровски

Османи: Уставен суд извршува наредби на ВМРО-ДПМНЕ