Западот почна да зборува за застарениот систем на ОН кога НАТО безмилосно го бомбардираше Белград, изјави рускиот претседател Владимир Путин.
„Во нашата понова историја често сме слушале од западните лидери дека системот на ОН е застарен, дека не ги задоволува денешните потреби. Но, кога тоа почна да се слуша? За време на југословенската криза, кога, без никакво одобрение од ОН Советот за безбедност, САД и нивните сојузници почнаа безмилосно да го бомбардираат Белград, дури и ја погодија кинеската амбасада во Белград. Каде е тоа меѓународно право? Не, рекоа, нема меѓународно право, тоа е застарено. Зошто? Затоа што сакаа да дејствуваат без оглед на тоа меѓународно право“, објасни претседателот на Русија на пленарната седница на Меѓународниот дебатен клуб „Валдај“.
Според него, кога Русија почнала да презема некои акции, тоа го нарекле дрско, велејќи дека Русија го крши меѓународното право и Повелбата на ОН.
„Но, за жал, секогаш имало обиди да се изгради ова меѓународно право според своите потреби. Дали е тоа добро или лошо? Многу е лошо“, нагласи Путин.
Запрашан за коментар за постојаниот притисок врз Србија, рускиот претседател рече дека Србите не се народ кој Западот може да го скрши и потчини.
„Зошто Србите се цел на Запад, не разбирам. Русија исто така беше цел на почетокот на 1990-тите, тие сакаа да се распадне СССР. Србија беше подготвена на се и сакаше се, но тие беа под притисок, постојано се закануваат со санкции .
„Многу пати сум слушнал дека тие се слабата алка и дека треба да се притиснат. Ова е парадигма што е создадена. Србите не се такви луѓе. Србија не е таква култура, невозможно е да се уништи Србија“, рече Владимир Путин.
Рускиот претседател порача дека Србите не можат да бидат скршени и потчинети од Западот.