Поради растот на цените и намалената понуда на сурова нафта на светскиот пазар, Русија и ја продава нафтата Урал на Индија по цена од 80 долари за барел.
Тоа е за 20 долари за барел повеќе од цената што организацијата Г7 се обидува да и ја наметне на Москва.
Податоците од трговците со нафта и пресметките на Ројтерс покажуваат дека Русија во октомври ќе испорачува нафта од Балтичкото Море до индиските рафинерии по цена од околу 80 долари за барел.
Нафатата Урал е многу поскапа отколку во првата половина од годината, но алтернативите се уште понеповолни и не се лесно достапни, изјавил за британската агенција еден од трговците со нафта.
Во јули цената на нафтата Урал ја надмина границата од 60 долари за барел поставена од Г7 и оттогаш таа во просек се одржува многу над ова ниво, пренесува порталот oilprice.com.
Просечната цена на нафтата Урал во август изнесуваше 74 долари за барел.