Денеска започнува академската 2013/2014 година на првиот циклус на студии на факултетите, членки на Универзитетот „Св. Кирил и Методиј“ во Скопје.
По тој повод, министерот за образование и наука, Спиро Ристовски и ректорот на Универзитетот „Св. Кирил и Методиј“ во Скопје Велимир Стојковски ќе присуствуваат на првиот академски час на Природно-математичкиот факултет, со почеток во 12 часот.
Заменик министерот за образование и наука, Сафет Незири ќе присуствува на првиот академски час од академската 2013/2014 година на Државниот универзитет во Тетово.
Факултетот за електротехника и информациски технологии денеска во 11 часот во амфитеатарот на факултетот ќе го одржи првиот академски час.
Добредојде на околу 360 нови бруцоши ќе им посакаат деканот на Факултетот за електротехника и информациски технологии, проф.д-р Миле Станковски, членот на Управниот одбор на ЕВН Македонија АД, Скопје, д-р Игор иевски и претставник на Ректоратот на Универзитетот „Св. Кирил и Методиј“ во Скопје.