Властите во јужниот кинески град Маоминг ги повикаа жителите да се држат настрана од водотеците додека не фатат десетици крокодили кои избегале од фарма за време на поплавите. Потврдено е исчезнувањето на 75 сијамски крокодили по невремето што го погоди суптропскиот град во саботата и неделата.
Hujan badai hingga air meluap, 75 buaya kabur dari salah satu peternakan buaya di Maoming, Tiongkok
Dari 75 buaya yang kabur, setidaknya ada 69 buaya dewasa dan 4 bayi buaya
Pihak berwajib menyampaikan sudah ada buaya yang berhasil ditangkap
Namun, masih ada yang belum… pic.twitter.com/tPgW8umjQW
— TMI Hari ini (@TMIHARINI) September 12, 2023
– Властите се обидуваат да ги држат работите под контрола, но бројот на избеганите крокодили е голем – изјавиле од регионалната канцеларија за вонредни состојби, а пренесува Вашингтон пост.
На жителите на јужниот кварт на градот, каде што се наоѓа фармата за крокодили, им е кажано да бидат внимателни и да избегнуваат излегување.
70 timsah selde kaçtı, şehrin her köşesinde aranıyorlar!
– Çin'de meydana gelen selde bir çiftlikten kaçan 70'ten fazla timsahı bulmak için bölge yetkilileri operasyon başlattı.
– Maoming kentinde yetkililer, bölge halkına dışarı çıkmayın çağrısı yaptı. pic.twitter.com/pEj0kpvXwc
— Yeniçağ TV (@yenicag_tv) September 12, 2023
Снимките покажуваат како крокодили се движат по поплавената улица околу езерото во Маоминг. Официјален претставник на градскиот оддел за итни случаи потврди дека се пронајдени повеќе од десетина избегани крокодили, но дека повеќе од 50 се уште се во бегство.
Безбедносните сили стационирани во областа добија наредба да го убијат секој крокодил што ќе излезе од зоната на длабоки води. Предупредувачки знаци се поставени околу поплавените фарми.
🚨Alert! Over 70 crocodiles🐊on the loose! Due to the impact of #TyphoonHaikui, more than 70 crocodiles escaped from a farm in a village in Maoming City, #Guangdong Province. Authorities are actively capturing them, and local militias have stated that for safety reasons, these… pic.twitter.com/Cx0htFb9k0
— Shanghai Daily (@shanghaidaily) September 12, 2023
Маоминг и пошироката провинција Гуангдонг беа погодени од два тајфуни за две недели. Свлечиштата предизвикани од силните дождови во неделата и понеделникот убиле најмалку седум лица во соседниот регион Гуангкси.
Маоминг има некои од најголемите фарми за крокодили во земјата со капацитети за производство на кожа од крокодил во блиските градови. Месото од крокодил е исто така локален специјалитет. Одгледувањето и трговијата со живи крокодили е дозволено според кинескиот закон, а случаите на бегство на одгледувани влекачи не се невообичаени.
Во 2013 година, крокодили избегаа од фарма во истиот град, откако бодликавата жица околу фармата зарѓа и стана кршлива поради долготрајните поплави.
Два месеци подоцна, неколку десетици крокодили излегоа од заграден простор во градот Шанту по поплава.