Пожарот во Еврос во североисточна Грција гори веќе 14-ти ден, а пожарникарите се борат да го запрат и да спречат да се прошири кон Суфли и Протоклис.
Во гаснењето на пожарот се вклучени 582 пожарникари со 129 возила и 16 единици без возила, како и шест авиони и два хеликоптери, јави порталот Катимерини.
Вкупно во регионот изгореа повеќе од 808,7 квадратни километри.
Kudos to the brave Czech individuals who, against all odds, saved the village of Giannouli in Evros from the approaching fire. Their heroic efforts and determination in the face of adversity are a testament to the strength of human spirit and solidarity. 🙌🔥🇨🇿🇬🇷 #GiannouliRescue… https://t.co/3ptkV16IRg
— Eleonor Mohammad (@BookEleonor) September 1, 2023
На Парнита, планина северно од Атина, пожарникарите гаснат пожар на југозападната страна.
Ризикот од пожари останува висок во многу делови на Грција и денес, а членовите на Противпожарната служба и понатаму се во општа готовност.
#drone footage reveals extent of devastation after massive #wildfires in #Greece's Evros#呪術廻戦 #thursdayvibes #JungKook #wildlifephotography #fire #dronephotography Joe Biggs Kemp #StayTrue pic.twitter.com/ablWnMzAfj
— Fact File News (@factfilesnews_) August 31, 2023
Двајца високи претставници на Противпожарната служба за „Катимерини“ изјавија дека нема оперативни слабости во гаснењето на пожарот во Еврос, кој трае веќе 14 дена и оценија дека пожарот не може веднаш да се прекине.
Наведоа дека приоритет е безбедноста на луѓето и инфраструктурата и посочија дека за ширење на пожарот придонеле ветровите и сувото земјиште.
Но, граѓаните и претставниците на локалната самоуправа укажуваат на проблеми во координацијата кога на едно место дејствуваат пожарникари од други места, кои не ја знаат морфологијата и спецификите на загрозеното подрачје.