Сергеј Китриш е испрашуван за тоа што се случило непосредно пред последниот лет на водачот на групата Вагнер. Руските власти наводно го испрашуваат инженерот кој во последен момент го поправал авионот на Евгениј Пригожин.
Сè уште не е познато што го предизвикало падот на Embraer Legacy 600, а Западот се огласи и рече дека се сомнева оти Путин наводно го наредил неговото убиство, што Кремљ го нарече „апсолутни лаги“. Сите 10 луѓе во авионот загинаа.
Пригожин, кој беше во авионот и го загуби животот, водеше краткотраен, но неверојатен обид за државен удар во јуни против Путин, критикувајќи ги напорите на највисоките воени лидери што ја предводат инвазијата на Украина.
Инженерот Сергеј Китриш (41) бил испрашуван по авионската несреќа, објави каналот ВЧК-ОГПУ, кој има врски со руските безбедносни служби.
– Тој постојано работеше со авионот на Пригожин и токму тој ја изврши последната поправка за замена на кочницата и турбо ладилникот. Инспекторите веруваат дека бомбата можеби била поставена за време на поправки во последен момент. Набргу по експлозијата, Китриш бил однесен под надзор на руските специјални служби и однесен на местото на несреќата. Тој беше испрашуван од истражителот полковник Иван Сибул. Сега се решава судбината на Китриш. Уште не го пуштиле дома. Не се знае судбината на уште двајца инженери кои учествувале во поставувањето на опремата – објави каналот ВЧК-ОГПУ.
Останатите инженери беа именувани како Артур Миченков и Алексеј Аншуков.