Невообичаена сообраќајна несреќа се случи на улицата „Сава Ковачевиќ“ во Нови Пазар кога возач на „рено клио“ изгуби контрола, излета од патот и удри во покрив од куќа која се наоѓа во непосредна близина на патот.
– На возачот веднаш му е укажана лекарска помош и е пренесен во Општата болница во Нови Пазар, за среќа покрај него немало други тешко повредени – изјавија за РИНА сведоците на немилиот настан.
Причинета е огромна материјална штета на автомобилот, но и на самата куќа во која удрил возачот.
На местото на настанот излегле припадници на сообраќајната полиција кои извршиле увид, а според првите информации, главната причина за оваа несреќа е непрописната брзина на движење на автомобилот.