Русија денеска извести за нов напад со беспилотно летало врз Москва, додека ГУР објави дека украинско беспилотно летало погодило руска воена база длабоко во анектираниот Крим. Градоначалникот на Москва Сергеј Собјанин изјави дека дронот бил соборен од противвоздушни одбранбени системи над областа Истра во Московската област. Трите главни аеродроми во Москва, Шереметјево, Домодедово и Внуково, потоа ги прекинаа летовите, јави новинската агенција ТАСС.
Украинската воена разузнавачка агенција ГУР вчера објави дека украинско беспилотно летало погодило руска воена база длабоко во анектираниот Крим, додека жителите пријавиле жртви, експлозии и затворање на патишта. Русија извести за еден од најголемите координирани украински воздушни напади до сега на територијата контролирана од Русија, но рече дека системите за противвоздушна одбрана ги собориле сите 42 беспилотни летала кои го напаѓале Крим пред да можат да ги погодат своите цели.