Во Аргентина полицијата заплени половина тон кокаин, чија крајна дестинација, најверојатно бил европскиот нарко пазар.
Кокаинот го откриле дресирани полициски кучиња на аеродромот во Буенос Аирес.
Дрогата била сокриена во пакет адресиран до нафтена компанија со седиште во нигерискиот град Лагос. Меѓутоа, како што соопштија аргентинските власти, таква компанија воопшто не постои во регистерот на деловни субјекти во Нигерија.
Запленетиот кокаин на европскиот нарко пазар би достигнал вредност од речиси 25 милиони долари.