Краткотрајното, но силно невреме кое попладнево го зафати главниот град, предизвика пречки во нормалното функционирање во неколку населени места во општина Аеродром. Пречките, првенествено се однесуваат во делот на инфрастуктурата поврзана со телефонијата и електричната енергија информираат од Општина Аеродром.
– Општинските служби се излезени на терен со цел детектирање, навремено санирање на штетите и отстранување на настанатите пречки. Тие преземаат мерки за дислоцирање на паднатите дрва и се во редовна комуникација со телекомуникациските компании и ЕВН Македонија. Апелираме до граѓаните за пријава на проблеми и споделување информации да ги контактираат службите на Јавното претпријатие за јавно осветлување (071252634) и на Општина Аеродром (071327088), се вели во соопштението од Општината.