Ветровите кои почнаа да дуваат вечерва дополнително запалија голем пожар западно од Атина, што предизвика нови наредби за евакуација и грчките власти се подготвуваат за продолжување на екстремните временски услови кои донесоа жешко време во јужна Европа.
Како што јави АП, грчките власти најпрвин изјавиле дека огромниот пожар бил запрен во ноќта меѓу средата и четвртокот, а противпожарната служба го интензивирала гаснењето со „канадери“ кои пристигнале од Франција и Италија.
Пожарникарите, сепак, изгубиле контрола над огнот кога ветар се засилил, соопштија претставници на противпожарната служба. Пожарот гори од вторник и веќе изгоре 35 квадратни километри шума.
Некои жители ги игнорираа најновите наредби за евакуација за да се обидат да ги спасат своите домови.