Клубот на млади при општинската организација на Црвен крст Куманово во соработка со Центарот за меѓукултурен дијалог организира хуманитарно летно кино, информираа денеска од организацијата.
– Со почеток од 20:00 часот во училишниот двор на основното училиште „Вук Караџиќ“. Цената на билетот е 50 денари и сите средства собрани од продадените билети ќе бидат донирани за Теодосија, информираа од Црвен крст Куманово.
Младите ќе погледаат филм кој преку гласање на социјалните мрежи го избраа самите. Од Црвен крст ги повика кумановци да се дружат и да го погледаат филмот и да донираат за малата сограѓанка Теодосија Лазаревска, која е на лекување во странство.