Маж од Кентаки, кој минатиот четврток беше осуден на 50 години затвор за убиство на четиригодишната ќерка на својата девојка, Серенити Мекини, побара прошка на сослушувањето.
– Жал ми е што моите постапки влијаеја на животите на вашето семејство. Разбирам дека времето нема да ја врати Серенити, но се надевам дека ќе ви помогне да заздравите – изјави Дакота Хил (28) на суд.
Морам да научам да си простувам за долгиот пат пред нас, но барам и прошка од тебе затоа што иако еден ден можеби ќе бидам повторно слободен, знам дека само простувањето може да ми донесе вистинска слобода. Жал ми е за загубата што ја нанесов на вашето семејство и се молам за сите вас во ова време на тага и страдање – рече тој.
Минатиот февруари, дедото на Серенити го пријавил девојчето за исчезнато, откако членовите на семејството рекле дека не го виделе од Бадник 2020 година. Девојчето разговарало со својот дедо на телефон во декември 2021 година, но не кажало каде е. Кога полицијата во Канзас ги уапси Хил и мајката на девојчето, Кетрин Мекини, властите рекоа дека одбиле да соработуваат со истражителите кои се обидуваат да ја пронајдат Серенити.
Неколку недели подоцна, полицијата го пронашла телото на девојчето во куфер во шумата на границата со окрузите Џеферсон и Булит. Констатирано е дека начинот на смртта е убиство, но причината не е утврдена.
Во мај, Хил се изјасни за виновен за убиство и обид за прикривање докази. Еден месец претходно, мајката на девојчето беше осудена на 12 години затвор, откако на 14 април се изјасни за виновна за убиство од небрежност. Многу членови на семејството на Серенити редовно присуствуваа на судењата. Бабата на девојчето, Мелоди Ролер, рече дека никаква казна нема да донесе правда.