Американскиот архитект Рекс Хојерман е уапсен во врска со сериските убиства на жени чии делови од телото биле пронајдени покрај автопатот во Њујорк во Гилго Бич. Судските документи покажуваат дека Хојерман засега е обвинет за смртта на четири жени. Тие се меѓу најмалку 10-те жртви чии тела се пронајдени во областа.
По апсењето, Рекс Хојерман се изјасни за невин по сите обвиненија.
Хојерман живее во Масапеква, Лонг Ајленд, на околу 40 километри од местото каде што беа пронајдени посмртните останки на жртвите.
Детективите кои го следеле осомничениот и пронашле ДНК од кората за пица што тој ја фрлил, а потоа ја усогласиле со влакното пронајдено на рачката користена во убиствата, соопшти полицијата.
Друг клучен дел од она што доведе до негово апсење беше неговиот Шевролет Лавина, за кој сведок изјави дека убиецот го возел откако исчезнала една од жртвите, пренесува NBC.
Според судските документи поднесени од обвинителите, во 2022 година истражителите започнале „сеопфатна проверка на секој доказ.“ Властите велат дека тоа ги навело одблизу да го разгледаат автомобилот регистриран на Хојерман во времето на убиствата.
Жителите на Масапеква изјавија за CBS Њујорк дека се запрепастени од веста.
– Овде сме околу 30 години, а тој беше тивок човек, никогаш никому не му пречеше. Бевме некако шокирани, да ви кажам искрено – рекол еден од соседите на Хојерман.
Хојерман е регистриран архитект и сопственик на њујоршката архитектура и консултантска фирма RH Konsaltants and Associates од 1994 година.
Меѓу неговите клиенти, меѓу другото, имало и голем ланец на продавници за спортска облека, како и „Американ ерлајнс“.