Во текот на ноќта Русија изврши камикази напад со беспилотни летала врз Киев и други градови во Украина, соопшти денеска украинската армија.
Синоќа Русија лансираше вкупно 15 ирански беспилотни летала Шахед кон Украина, а украинските одбранбени сили соборија 11 од нив, објави Военото воздухопловство на Украина на Телеграм.
Претходната ноќ Русија лансираше 28 беспилотни летала во Киев и пристаништето Одеса, додека украинската противвоздушна одбрана собори 26 беспилотни летала Шахед, пренесува Ројтерс.
– Во напад на беспилотно летало две лица се повредени откако избувна пожар во нестанбена инфраструктурна зграда – соопшти денеска воениот началник на регионот Черкаси, Ихор Табурец.
Сè уште не е познато колку беспилотни летала биле лансирани во градот Черкаси, а колку во главниот град Киев.
– Непријателот изврши уште еден воздушен напад врз главниот град – објави на Телеграм шефот на воената управа на Киев, Сергеј Попко.
Вооружените сили на Украина денеска соопштија дека руските сили во изминатиот ден извршиле 65 воздушни напади и истрелале најмалку 71 проектил од системи за тешко вооружување врз украинските позиции и населените области долж линијата на фронтот.