Најмалку едно лице загина кога бура донела обилни врнежи во поголемиот дел од државата Њујорк во неделата навечер, предизвикувајќи поплави и воведување вонредна состојба во две окрузи.
Гувернерката на државата Њујорк, Кејти Хукл, прогласи вонредна состојба во округот Оринџ, северозападно од Њујорк, како и во округот Онтарио, во централниот дел на државата, бидејќи врнежите предизвикаа ситуација „опасна по животот на луѓето“, објавија американските медиуми.
Неколку десетици возачи мораа да бидат спасени кога нивните возила се заглавија на поплавените патишта, соопштија локалните власти.